- 1
- 2
De Graasvraeters kinne mit unne big smile truuk kiëken op de Groëte Zitting van aafgelaupen zatterdig. Leanzo barstte oeht zien voegen, en waas tot de litste plek gevuld. Ut programma zoot bomvol. Presentator Roy opende de zitting en det doan we al jaoren mit de showdans. De irste buutreedner waas Helga Cornelissen, de kampioen van veurig jaor, en terecht. Lilly de Kleine waas groets. De Prinse & Aod Prinsen vierden daonoa hun finaleplek op het LVK 2023 mit un TE gek optreeje. Waem kint Rob Scheepers neet? Wat unne held in de ton, mit ziene buut euver Frits Sprits de bakker. Ozze Vorst kwaam dr nog genadig vanaaf. Bloontj en blauw sloten hun carriere aaf oppe Graashook, mannen bedankt ut waas sjiek! Nao de pauze kregen de jubilarissen hun welverdinde aandacht: Luuk Craenen 22 jaor lid, en Thei & An Gielen mer leefst 55 joar lid, allemaol proficiat.
Daonoa kwaam d'r un kiepenvelmomentje: veurzitter Job reep de Graasvraeter van ut Joar oeht: compleet verrast: Suus van Esseveldt is Graasvraeter van ut Joar 2023 veur heur iewige Vasteloavesleefde!
Nao dit emotionele gebeuren gingen we lustig verder met ut programma dat oehtpuilde van de klasbakken. Irst Rob van Elst dae neet oehtgesproken rakte euver zien bucketlist. “Wientrien” Conny Bruinaers kreeg de zaal auch plat mit heer leefde veur de wien. Lokale buutreedner Theo Nellen, auch al unne ex-kampioen kreeg de zaal nog eine kier stil. As aafsloether heij de organisatie un jaor geleeje Pruuf Mar geboekt neet weitende det deze broor en zus in 2023 ut LVK gingen winnen in Rooy. Wat un geluk om dees twie toppers op ut podium te hebben. Stef & Tamara kwamen doedmeug binnen beij Leanzo nao unne veul te korte nacht, maar gaven mier dan 111% op ut podium. Dank dao veur, en veural Oijem blieve halen, dan kumt de rest wel goed.
Al mit al unne te gekke aovend. Minse bedankt aan idderein en wies volgend joar!
Eigen Zittingen waren top!!!
Aafgeloupe weekend hebben wae mooge geniete van 2 geweldige zittingsaovenden. Ut is wel gebleken det d'r her en der verborgen acteer en zangtalent zit in de Graashook.
Zoe traoje de Stuntelaers op en heije een geweldig filmpje over ozze prinsen gemakt. Aod Vorst Luuk Craenen alias Craon Stegeman waas op zeuk naor 2 daders die overal wien deje jatten. Laot de daders nou net os 2 prinsen zien!! Sjoen gemakt CV de Stuntelaers!
Aug de vrouwlie van de raod gaven act de acte de présence. As bejaarde vrouwkes namen die de bezuinigingen in ut bejaardenhoes op de hak! De traone van het lachen stonge beej menigein op de wangen.
Ruud en Nathalie, tevens kamereuj, van Prins Roy III en Prins Sjon I stalen auk de show. Ze leten een compilatie zeen op ut diasjerm, wat ze samen tiedes alle vakanties mit hun hebben mit gemakt. Nou, die hebben wat mit gemakt zeg! Super sjoen!
Natuurlijk kin CV Warum neet gewoen zoepe auk neet ontbraeke! As waore rugby speulers deje ze de "haka" en oeteindelijk werd Suzanne van der Sterren as nieje zoepprinses onthuld. Hiel veul plezeer Suzanne en wae zeen uch op uch eigen receptie Gekke-Vastelaoves manjig!
Op de zatterdig waas d'r nog een verrassing. Monique Craenen, zus van Prins Roy III, zong mit heur groepje het welbekende liedje oet K'lust "Dit is geen Kufstein, dit is Keuningslust". Sjoen um de groep wir samen op de bühne te zeen staon.
Um de aovenden nog extra te veurzeen van een vleugje muziek, traoje Net-Ginne Prins , de aod-prinsessen, LVK halve-finalist Shirley Lemmen en kersverse LVK finalist prins en aodprinse van de Graashook op.
Auk moge wae trots zien op ozze showdans groepen die ilke aovend hebben geopend!!! Knap van die maedjes um al die danspasjes te motte onthoije!
As Graashook moge wae trots zien det wae 2 zittingen kinnen organiseren mit allein mer Graashookse artiesten.
Gaer wille wae dees traditie auk in stand hoije, mer nao ut zeen en mitmake van dees zittingen, mot det zeker lukken!
Prins Roy III en Prins Sjon I
Gin zorge, mit os viert ge vastelaovend tot in de morgen!