16 November jl. waas ut eindelijk wir zoewiet, de daag waor veul Graasvraeters al wir waeke naor oethtkieke, Ut prinsebal!
Zoej Joep toe moge traeje tot de Aod Prinse? Waem wurt ut neije trio van Jong Nederland en waem geit de scepter zweije over ut Graasvraetersriek. Un bomvol programma in un al vreug sjoën gevuld Leanzo.
Ierst waas ut de beurt aan Joep, naodet hae mit pumps aan alle oad prinse in de zaal van een pilsje heij veurzeen en zien 22 Euro heij betald kreeg hae zien prinse-speldje en aod prinse-blouse oethgereikt.
Daornao waas ut tied vur ut oethkome van ut JN-Trio, dit jaor in heng van de Stuiterballen.
Ze heije un sjoën filmke gemakt wat de zaal al opwermde in aafwachting van waeum der oeth de doës mit ballen ging stappen, Nao ut filmpke kwamen onder bombastische muziek Prins Gijs, Prinses Sem en Vorstin Renske teveursjien.
Mit heure spreuk “WAE AS STUITERBALLE GAON DEZE VASTELAOVEND KNALLE!!” gaon ze regeren over de Graasvraeterkes en Graasvraeterinnekes dit seizoen.

Daornao woort ut tied vur ut hoëgtepunt van de aovend! Waem zoeje de neije Hiersers gaon waere?
Nao un klopjacht dur de Grashook en Leanzo woorte de potentiële hiërsers dur Bets en Annemie de cel in gesmeten naodet ze der zeker van ware det dit goije hiërsers zoeje zien.
Ut woord waas daornao aan kersverse Vorst Roy en wie dae de naam numde van de neije hiersers steeg der un groët gejuich op in de zaal.
Neije Hiersers waren neemus minder dan Prins Andy I (Hunnekens) en Prinses Tessa ( v/d Munckhof)
Un wins ging heijmit in vervulling vur de neije hoëgheid, hae wurt al jaore genumd en leet altied wel blieke det dit zien ultieme wins waas!

Prins Andy en Prinses Tessa regeren dit seizoen mit de spreuk “GINNE GROËTERE WINS DAN GRAASVRAETERSPRINS!!

Ut bleef nog lang gezellig in Leanzo, en der woort nog gevierd tot in de late eurkes.