Prins Stan I & prinses Josje veurop as neije hiersers

Aafgeloupen zatterdig 14 november waas ut eindelijk zoe ver: De opening van ut seizoen op de erste zatterdig nao de 11e van de 11e. Nao aanvang Mocht aod prins Johan nog un opdracht vervullen veurdet hae officieel toe mocht treden tot de aod prinse garde. Vanwege zien muzikale achtergrond bej de Graaskneuzers waas un opdracht mit trompet wel te raden. Hoewel ouk Johan det verwacht hej, waas det in mindere mate te merken op de buhne. Un blackout zurgde d’r veur det zelfs de (10325823 kier gespeulde) buuttemars net get te veul waas gevraogd.

Vrij snel dao ut toetreden van Johan volgden de Batjakkers van Jong Nederland mit heur oetkomen. De groep hej zich erg good veurbereid en det zurgde veur un sjitterend oetkomen. Nao un aantal repetities as boerenrockers kwamen prins Pierke, prinses Lize & vorst Ves oet as trio van Jong Nederland. Ze wisten dit tot op de litste minuut overigens zelf nog neet!

Un good oor later gingen we verder mit de ‘hoofdact’ van de aovend. Weem zoeje os neije hiersers waere van 2026-2027? De sleutel van de scepterkist waas kwiet. Aan detectives Annemiek & Bets de taak um deze truuk te vingen. De spanning bouwde langzaamaan op en de sleutel werd oeteindelijk truuk gevongen. Mer dan… Weem zoote d’r in die kist? 11 spannende daag mit hints gingen veuraaf waor versjillende namen duk genumd werden. Zeker de litste daag werd ut extra spannend nao toch wel un paar good gelinkte opmerkingen. De ontlading waas dan auch erg groët toen prins Stan I en prinses Josje dan eindelijk oetgeropen werden as hiersers van 2026-2027. De aovend waas nog lang en gezellig en werd aafgesloten mit heerlijke eitjes in de late eurkes.

Slaoper of zoeper, ut makt neet oet. Deze vastelaovend gaon wae voloeht!

Alle nieuwsberichten

Onze sponsoren

Bekijk alle sponsoren